इबोला महामारीमामा लायन्सको सहयोग
कङ्गो लोकतान्त्रिक गणराज्य र युगान्डामा फैलिएको इबोला महामारी रोकथामका लागि लायन्सले सहयोग गरेको छ । महामारीका कारण त्यहाँ हालसम्म १ हजार भन्दा धेरैले ज्यान गुमाइसकेका छन् ।
परिवारहरूले आफ्ना प्रियजन गुमाएको पीडामा रहेका छन् भने स्वास्थ्यकर्मीहरू अग्रपंक्तिमा रहेर निरन्तर सेवा दिइरहेका छन्। यस्तो कठिन परिस्थितिमा सहयोगको आवश्यकता अझै पनि अत्यन्तै महत्वपूर्ण छ। यस अवस्थालाई मध्यनजर गर्दै लायन्स क्लब्स इन्टरनेसनल फाउन्डेसनले त्यहाँको लायन्स क्लबलाई तत्काल राहत तथा सहयोगका लागि आपत्कालीन अनुदान प्रदान गरिसकेको छ।
विश्वभरका लायन्स सदस्यहरूको संयुक्त प्रयासबाट स्वास्थ्य संस्थाहरू, सीमा जाँच केन्द्रहरू तथा उच्च जोखिममा रहेका समुदायहरूमा व्यक्तिगत सुरक्षा सामग्री, सम्पर्करहित थर्मोमिटर, हात धुने सामग्री तथा अन्य अत्यावश्यक स्वास्थ्य सामग्री उपलब्ध गराइँदै आएको छ। यी प्रयासहरूले महामारी नियन्त्रण तथा समुदायको सुरक्षामा महत्वपूर्ण योगदान पुर्याइरहेका छन्।
