बाढी पीडितका लागि लायन्स इन्टरनेसनलबाट ७५ हजार डलर सहयोग
काठमाडौं । लायन्स क्लब इन्टरनेसनल फाउण्डेसनले नेपालका बाढी पीडितका लागि आफ्नो आकस्मिक कोषबाट ७५ हजार डलर रकम प्रदान गरेको छ ।
अविरल वर्षापछिको बाढी पहिरोबाट पीडितका लागि भन्दै मल्टिपल डिष्ट्रिक्ट ३२५ का ७ वटा डिष्ट्रिक्टले सहयोगको अपिल गरेका थिए । त्यसमध्ये डिष्ट्रिक्ट जि, एच, आई, जे र एस को प्रस्ताव स्वीकृत भएको लायन्स क्लब इन्टरनेसनल फाउण्डेसनका एरिया लिडर लायन राजन लम्सालले जानकारी दिए ।
प्रति डिष्ट्रिक्ट १५ हजार डलर रकम स्वीकृत भएको छ । डिष्ट्रिक्ट सि र आर ले पठाएको प्रस्ताव भने स्वीकृत हुन बाँकी छ । आफूले पठाएको प्रस्ताव अनुसारका काठमाडौं, काभ्रेपलान्चोक र सिन्धुपाल्चोक लगायतका स्थानमा पारदर्शी ढंगले पीडित परिवारलाई राहत वितरण गर्न सम्बन्धित डिष्ट्रिक्टका गभर्नर र लायन्स लिडरहरुलाई लम्सालले आग्रह गरेका छन् ।
